《排卵期對女運動員的影響》
相信好多女士每個月親戚到既時候都會特別留意自己身體狀況，做運動時仲會成日營住力不從心。除咗留意經期外，唔知大家又有冇留意過自己身體喺排卵期既變化呢？
有研究指出，女士喺排卵期期間，雌激素指數會達到高位，而呢個變化會令到十字韌帶變得比平常鬆弛，足底筋膜亦會喺呢段期間於受力既情況下變得更薄。以上組織會產生變化外，就連肌肉收縮速度都會變得比平常遲緩。
由於韌帶鬆弛加上足底筋膜變薄，於運動期間身體多處關節既震盪幅度會比平常遞增，為咗補償主要肌群收縮速度比平常遲緩，女性運動員更需要凝聚更多肌肉力量去控制身體，即代表大大增加運動員受傷機會。
有見及此，各位女士除咗留意幾時會親戚到之外，可以留意多啲排卵期，如果唔識計都唔緊要，姑姑有用開一個App 叫做“PALOMA”，除咗可以準確記錄經期日子，仲會顯示變時係排卵期，同時亦可以記錄自己每日身體變化，咁就可以好方便去監測自己身體變化喇~ (姑姑計過自己有兩次受傷都係發生於排卵期......)
P.S. 研究指出以上現象不適用於有服用避孕藥及更年期的女士們呀。
Search